Шок за Наполи: Кварацхелија оди на долга принудна пауза

Наполи постигнува одлични резултати од почетокот на актуелната сезона, но денеска тренерот Антонио Конте добил загрижувачка вест од лекарскиот тим.

Италијанскиот клуб потврди дека Квича Кварацхелија заработил повреда на лигамент на десното колено, поради што го очекува подолга пауза.

Позитивниот момент во целата ситуација е што Грузиецот поминал без посериозен степен на повреда на чувствително место и веќе започнал со рехабилитација.

Клубот не најави колку долго ќе трае паузата, но медиумите пренесуваат дека на Кварацхелија ќе му бидат потребни најмалку четири недели пред да се врати на тренинзите на својата екипа.

Наполи има уште три натпревари до крајот на годината, во кои ќе се соочи со Удинезе, Џенова и Венеција, а прв противник во 2025 година ќе му биде сезонава опасната Фиорентина.