Шкотска легенда: Сити може да го одбрани трофејот во ЛШ

Манчестер Сити вчера стигна до уште убедлива победа во Лигата на шампионите и си обезбеди пласман во следната рунда, но избраниците на Пеп Гвардиола и сезонава имаат највисоки амбиции во елитното европско натпреварување.

Тоа значи одбрана на титулата освоена претходната сезона, подвиг кој од 1992 година наваму му успеа само на Реал Мадрид, а единствен англиски клуб кој стигнал до таков успех е Нотингем Форест во 80-те години од минатиот век.

Поранешниот шкотски напаѓач, Али МекКоист во своите коментари за „Би-Би-Си“ тврди дека Сити и покрај промените во составот располага со квалитет со кој може да го одбрани трофејот.

– Мислев дека ќе им недостасува Марез, мислев ќе им недостасува Гундоган, но тие повторно изгледаат силни како и секогаш.

– Тешко е да се обложиш дека Сити нема да ја одбрани титулата, се работи за одлична екипа предводена од одличен тренер. Понекогаш им е многу лесно на теренот, – вели МекКоист.