Саутгејт откри зошто Англија се мачела со аутсајдерот Малта

Англиската фудбалска репрезентација ја победи Малта, но со многу неубедлив настап, со кој големиот фаворит непријатно ги изненади своите фанови.

Избраниците на Герет Саутгејт ја остварија целта со освоените бодови, но селекторот признава дека неговите избраници не се на потребното ниво.

– Не успеавме да го достигнеме нивото на кое игравме претходно во текот на годината.

– Од почетокот ни недостасуваше темпо, правевме многу грешки, не можевме да креираме шанси, за подоцна во вториот дел да го подигнеме нивото и да ја оствариме целта.

– Баравме од некои играчи да настапат на неприродни позиции, како Томори на пример, за него не е лесно да игра на таа страна. Имаме проблем со покривањето на позицијата лев бек, мора и да одмориме одредени играчи, мора да потсетам дека ни недостасуваат многу фудбалери, – рекол Саутгејт, чија селекција гостува во Скопје на 20. ноември.