Сане и Баерн се договориле за петгодишна соработка

Баерн Минхен веќе има договор со Лерој Сане и останува уште да ја договори трансфер сумата со неговиот актуелен клуб Манчестер Сити.

Посериозната повреда очигледно само го одложи трансферот на Сане во Минхен, па сега повторно се актуелизира оваа тема, а „Шпортбилд“ тврди дека Сане и Баерн веќе имаат договор за петгодишна соработка.

Баерн наредниов период ќе се обиде да добие што пониска цена за трансферот на повремениот германски репрезентативец, а се очекува Сити да ја намали цената која претходно ја имаше поставено за Сане, пред се поради фактот што тој зад себе има долга пауза од фудбалските терени.

Сане дојде во тимот на Пеп Гвардиола од Бундеслигата, каде настапуваше за Шалке 04.