Рома го решила проблемот „Смолинг“

Рома долго време преговараше со Крис Смолинг, а се чини дека последниот велигденски состанок на двете страни донел посакуван епилог за Жозе Мурињо и фановите.

Дефанзивецот имал одредени финансиски услови за да потпише нов договор со „волчицата“, а неговиот агент на крајот ја прифатил понудата со која англискиот интернационалец ќе заработи 7 милиони евра за двегодишен договор.

Таа информација е посебно важна за Мурињо и планирањето на тимот за следната сезона, а Рома ќе избегне повторување на ситуацијата со Мкхитарјан кој без отштета се пресели во Интер.

Смолинг е задоволен од соработката со Мурињо, а зелено светло за продолжен престој во Рим дало и неговото семејство кое добро се адаптирало на животот во италијанската престолнина.

Сезонава, Смолинг забележа 28 настапи во дресот на Рома и постигна 3 гола за својата екипа.