Ривалдо за ѕвезда на Атлетико: Тој би бил идеално засилување за Барселона

Легендарниот бразилски фудбалер Ривалдо редовно ги коментира фудбалските случувања во Шпанија, а во последниот коментар истакнал дека посакува да види една ѕвезда на Атлетико во тимот на Барселона.

Како клупска легенда на Каталонците, Ривалдо не пропушта да коментира актуелни теми поврзани со Барса, а сега потенцира дека посакува да го види Хулијан Алварез во редовите на својот поранешен клуб.

Коментарот доаѓа во пресрет на дербито меѓу Атлетико и Барселона кое се игра утре.

– Алварез е одличен фудбалер и навистина би сакал да го видам во дресот на Барселона.

– Се ќе зависи од деталната анализа на клубот, пред се околу финансиските услови и начинот на кој би можел да биде изведен ваков трансфер.

– Но, сигурен сум дека ќе биде идеално засилување во иднина, – рекол Ривалдо.