Рио Фердинанд: Еден потег може да биде кобен за Манчестер Сити

Голем број експерти и поранешни фудбалери во вид на стручни коментатори сметаат дека Манчестер Сити останува прв фаворит за титулата и во новата сезона на Премиер лигата, но Рио Фердинанд истакнал еден момент кој може да го чини титула составот на Пеп Гвардиола.

Се работи за продажбата на Хулијан Алварез во Атлетико Мадрид, трансфер кој донесе рекорден профит за англискиот шампион, но исто така го остава Гвардиола без квалитетна замена на важна позиција.

Аргентинецот и минатата сезона не беше во прв план, но испорачуваше голови и асистенции кога добиваше минутажа, посебно во периодот кога Ерлинг Халанд паузираше поради повреди.

– Мислам дека е тешко да одите „против“ Сити ако знаеме колку беа добри последните четири сезони.

– Поставија нов стандард со последниот трофеј, а сега целта ќе им биде четврта титула по ред, сигурно соблекувалната ќе сака да стигне до таков успех.

– Она што ме тера да кажам дека Арсенал е многу блиску до Сити е продажбата на Алварез, тој беше автор на многу голови, 20+ голови по сезона и важна резерва. Не гледам кој ќе го замени Алварез сезонава, иако јасно е дека Сити има се уште простор да доведе замена, – рекол Фердинанд.