РБ Лајпциг го договорил најскапиот трансфер во клупската историја

Германскиот клуб РБ Лајпциг профитира одлично од раб0тата на своите скаути и изборот на фудбалери, кои подоцна заминуваат за многу поголеми трансфер суми, а потврда за тоа се и последните продажби на Нкунку и Собослаи.

Раководството веќе дало зелено светло и за најскапото засилување во историјата на клубот, а се работи за Лоис Опенда, досегашниот напаѓач на Ленс, кој ќе се пресели во Бундеслигата.

РБ Лајпциг ќе плати 38 милиони евра за потписот на Опенда, што е најскапо засилување во клупската историја, односно соборување на рекордот од 36 милиони евра, кои пред неколку години беа платени за Доминик Собослаи.

Опенда минатата сезона постигна 21 гол на 42 натпревари за Ленс и му помогна на својот тим по долго време да обезбеди место во Лигата на шампионите.

Белгискиот напаѓач е замена за Нкунку кој се пресели во Челси, а со Лајпциг ќе потпише петгодишен договор.

🚨🇧🇪 Loïs Openda (23) is joining RB Leipzig from Lens — €38m fee plus some add-ons in the deal. He’ll sign a contract until 2028, reports @kicker.

21 goals + 4 assists in Ligue 1 last season, great buy for the German side. pic.twitter.com/ggU0oc2mNJ

— EuroFoot (@eurofootcom) July 12, 2023