Рамос повторно паузира, Меси се враќа во составот на ПСЖ

Лионел Меси вечерва ќе настапи за ПСЖ на дуелот од француското првенство против Ница, но Серхио Рамос не е дел од списокот на тренерот Маурисио Покетино.

Рамос конечно дебитираше во победата на Ст. Етјен, но очигледно Покетино не сака да ризикува и ќе го одмори шпанскиот дефанзивец во пресрет на следните обврски на екипата.

За разлика од Рамос, Меси е подготвен за настап иако имал стомачни проблеми по церемонијата на која му беше доделена „Златна топка“, а ПСЖ ќе го искористи тоа за да го одбележи големиот успех на Аргентинецот и тоа пред своите фанови.

Во составот на ПСЖ се враќа Марко Верати кој не настапи на дуелите со Манчестер Сити и Ст. Етјен, а тука е и Марио Икарди, кој пак добил зелено светло од лекарскиот тим иако се жалеше на повреда.

Покетино против Ница нема да смета ниту на повредените Нејмар, Вајналдум, Ерера и Дракслер, додека покрај Рамос, одмор ќе добие и Бернат.