Првиот човек на Кристал Палас за санкцијата од УЕФА: Ова е голема неправда

Кристал Палас постигна голем успех со триумфот над Манчестер Сити и освојувањето на ФА купот, но доживеа големо разочарување со последната одлука на УЕФА.

Европската фудбалска федерација реши да го санкционира премиерлигашот бидејќи имал иста сопственичка структура со француски Лион, па наместо во Лига Европа, Палас ќе се натпреварува во Конференциската лига.

Првиот човек на клубот, Стив Периш, не го криел разочарувањето од ваквиот развој на настаните.

– Сериозно сме разочарани, најмногу поради нашите навивачи, а мислам дека треба да се чувствува и цела фудбалска заедница.

– Беше остварување на сон да го освоиме купот, но сега доживеавме голема неправда.

– Јасно е дека немаме активности на групациско ниво, а акциите на „Игл“ се во меѓувреме продадени и не постои никаков простор за конфликт на интереси. Се надевам дека вакви ситуации нема да се повторат во иднина, а ние ќе размислиме дали да се жалиме на одлуката, – вели Периш.