Претседателот на Атлетико: Ние сме фаворити број еден за титулата

Атлетико Мадрид игра одлично од почетокот на сезоната, a засега има мало заостанување зад водечките екипи во Ла Лига.

Претседателот Енрико Серезо е убеден дека резултатите ќе бидат уште подобри и во јавноста излезе со храбра изјава.

– Долг период имаме одличен тренер, одличен состав, одлични фанови и директори.

– Нема екипа во светот која игра добро на секој натпревар, но овој период буди прекрасни чувства за сите што го сакаат Атлетико и тие се засилуваат со секој триумф.

– Не само што сме меѓу фаворитите за титулата, туку според мене сме фаворит број еден и мислам дека и играчите го чувствуваат тоа, – рекол Серезо.

Атлетико во моментов има шест бода помалку од лидерот Џирона, но и натпревар помалку.