Парлоур со конкретен совет за Артета, за тоа кој фудбалер треба да биде доведен во Арсенал

Поранешниот фудбалер на Арсенал, Реј Парлоур има конкретен предлог за Микел Артета, во однос на засилувањето на тимот наредниот период.

Членот на генерацијата која го освои првенството без пораз, испрати јасна порака до менаџментот на „топчиите“, потенцирајќи дека треба да работи на трансферот на фудбалер на Брајтон.

Се работи за Ив Бисума, играч за врска, кој од 2018 година настапува во Англија.

– Би сакал да го видам Бисума во Арсенал.

– Мислам дека има се што е потребно, може да застане на топка, да испрати креативно додавање, па дури и да постигне некој гол.

– Бев сигурен дека Брајтон ќе мора да продаде еден поквалитетен фудбалер, но на крајот тоа беше Бен Вајт. Очекувам многу од Бисума, посебно што има само 25 години, -изјавил Парлоур.