НФЛ тим ќе смени сопственик за рекордна сума во спортската историја

НФЛ тимот Вашингтон Командерс наскоро ќе добие нов сопственик, а комплетирањето на ова преземање ќе значи и нов рекорд во историјата на било кој спорт.

Актуелниот сопственик Ден Снајдер ја прифатил понудата на американска инвестициска групација, која ќе плати неверојатни 6 милијарди долари за да го преземе Вашингтон.

Групацијата е предводена од познатиот инвеститор Џош Херис, а нејзини членови се и неколку милијардери, како и НБА легендата Меџик Џонсон.

Снајдер го купи клубот заедно со сопругата во 1999 година за само 750 милиони долари, а според „Форбс“ се наоѓа меѓу десетте највредни клубови во светот.

Предводникот на групацијата-купувач, Џош Херис, веќе е косопственик на НБА клубот Филаделфија и НХЛ клубот Њу Џерси Девилс, додека има акции и во НФЛ клубот Питсбург Стилерс, кои ќе мора да ги продаде ако официјално го преземе управувањето со Вашингтон.