Незаборавни спомени: Пред 15 години ракометна Европа беше освоена од Кометал Ѓорче Петров (Видео)

Ракометна Македонија може да се пофали со многу успеси како на клупски така и на репрезентативен план, но сега засега еден е ненадминлив и со златни букви испишан во нашата историја-тоа е титулата на Кометал Ѓорче Петров во Лигата на шампионите која беше освоена во 2002 година.

Токму на денешен ден пред 15 години златната генерација на Кометал предводена од Кастратовиќ, Малахова, Бујанова, Платон, Велкова, Нацева, Дину, Будимир и останатите дојде до европскиот врв и тоа благодарение на победата над реваншот во Скопје над ХЕРЦ Ференцварош  со 26-22.

Во преполниот  СРЦ „Кале“ тогаш ѓорчепетровки ја надминаа негативата од два гола од првата финална средба во Унгарија (27-25) и дојдоа до успех кој сите го паметиме, успех кој донесе огромна радост во Македонија, славје на улициите и плоштадот во Скопје.

Кометал со години доминираше во нашиот ракомет, но во 2010 година тој тим официјално згасна ама таа убава приказна, резултати и спомените кои ги остави засекогаш ќе останат во нашите срца и ќе бидат врежани во македонската спортска историја.