Неверојатна статистика: Челси и Ливерпул држат ист ритам во Премиер лигата

Челси и Ливерпул се на врвот на премиерлигашката табела, а не само што имаат ист број бодови и гол-разлика, туку статистиката открива дополнителен интересен податок.

Во досегашните пет кола, двата тима – претенденти за титулата постигнуваат идентичен резултат во секоја рунда.

Челси ја започна сезоната со победа 3:0 против Кристал Палас, а во тоа коло Ливерпул со ист резултат го победи Норич.

Следуваа победи од 2:0, Челси над Арсенал, а Ливерпул над Барнли, за во третото коло Челси и Ливерпул да одиграат 1:1 во меѓусебниот дуел.

Во четвртото коло Челси и Ливерпул повторно победија со 3:0, а тоа се повтори и последниов викенд, кога Челси го победи Тотенхем со 3:0, додека Ливерпул со истиот резултат стигна до победа во дуелот со Кристал Палас.

По пет кола, двете екипи имаат по 13 бодови и гол разлика 12:1, при што единствениот примен гол е тој од меѓусебниот дуел.