Наполи договори нов напаѓач, утре пристигнува на прегледи

Лучијано Спалети ќе може да смета на нов напаѓач во сезоната која стартува викендов, бидејќи Наполи постигнал договор за ангажман на Џовани Симеоне.

Аргентинецот ќе пристигне на заем од Верона, а Наполи под одредени услови ќе има обврска да го купи синот на Диего Симеоне.

Верона прифатила за заемот да добие 3,5 милиони евра, додека Наполи ќе треба да плати уште 12 милиони ако го откупи договорот по крајот на сезоната.

Ова ќе се случи автоматски ако Елиф Елмас и неговите соиграчи обезбедат пласман во Лигата на шампионите или пак Симеоне забележи одреден број настапи и голови предвидени од двата клуба.

Чолито ќе биде сериозно засилување за Наполи и ќе има можност да игра во Лигата на шампионите, но веројатно нема да може да настапи во првото коло за својот нов клуб.