Мусиала џентлменски ја смири тензијата: Донарума не е виновен за тоа што се случи

Повредата на Џамал Мусиала е голем проблем за Баерн Минхен, но и уште поголем удар за фудбалерот кој требаше да биде еден од носителите на играта на бундеслигашот во новата сезона.

Мусиала заработи сериозна повреда по дуелот со Џиџио Донарума за време на натпреварот меѓу Баерн и ПСЖ на Светското клупско првенство, а му следува и долга пауза по оперативниот зафат.

По натпреварот имаше многу негативни коментари на сметка на италијанскиот голман, Донарума беше нападнат и од својот поискусен колега Мануел Нојер, но Мусиала ја спушта топката со џентлменска изјава.

– Операцијата помина добро и сакам да кажам дека никој не е виновен за што се случи.

– Вакви работи се случуваат, а јас ќе го искористам наредниот период за се вратам доволно силен и позитивен, – напишал Мусиала на социјалните мрежи.