Поврзете се со нас

Шпанија

„Мундо Депортиво“: Барселона има план за Димитриевски

Објавено

на

foto:twitter.com/RayoVallecano

Шпанските медиуми се почесто го споменуваат Столе Димитриевски во различни трансфер варијации, а последната е објавена од „Мундо Депортиво“, кој традиционално е добро информиран за случувањата поврзани со Барселона.

Новинарот Жорди Баталја во денешниот текст вели дека Барса сериозно го следи македонскиот репрезентативец, односно смета на него како квалитетна опција за летниот преоден рок, посебно поради фактот што Димитриевски станува слободен агент.

Договорот на Столе со Рајо Валјекано истекува во јуни и тој може да избере во кој клуб ќе ја продолжи кариерата, а покрај досега споменатите Вилјареал, Севилја и Валенсија, Димитриевски е во фокусот и на Барселона.

Баталја вели дека Барса размислува дали да го задржи Ињаки Пења како поддршка за ветеранот Марк-Андре Тер Штеген или пак да ја искористи ситуацијата и да го ангажира Димитриевски за наредните неколку сезони.

Каталонскиот клуб е во добри односи со македонскиот голман и неговите агенти, посебно што во јануари 2022 година тој беше пред трансфер на „Камп Ноу“, но Нето реши да остане и не дојде до реализација на тој трансфер.

Димитриевски има уште една одлична сезона со Рајо и досега има 9 „чисти мрежи“, исто колку и тандемот на Барса, Тер Штеген-Пења, а подобар ефект имаат само Унај Симон и Алекс Ремиро. Македонецот прими 36 гола, додека Барса има 34 примени погодоци во досегашниот тек на сезоната.

Реклама
Реклама
Реклама

Популарни