Меси донесе победа за Интер Мајами и постави нов МЛС рекорд (Видео)

Лионел Меси непланирано одигра цел натпревар за Интер Мајами, а неговиот ефект донесе победа за тимот од Флорида и нов индивидуален МЛС рекорд за Аргентинецот.

Интер Мајами му гостуваше на тимот на Њу Ингланд, а првата ѕвезда на гостите постигна два гола уште во првото полувреме и го најави важниот триумф во американското првенство.

Сепак, Њу Ингланд во вториот дел намали и го зголеми притисокот во обидот да израмни, па Хавиер Маскерано се откажа од најавената идеја да го одмори Меси со повлекување уште рано во второто полувреме.

Со двата гола против тимот на Револушн, Меси стана прв играч во историјата на МЛС кој постигнал најмалку два гола на четири натпревари по ред.