Медведев незадоволен: Не знам што треба да направам за да играм на централниот терен

Данил Медведев денеска ја оправда фаворитската улога на мечот со Максим Креси и се пласираше во четвртфиналето на Аустралијан Опен, но продолжи со своите непредвидливи изјави во интервјуата по настапите.

Рускиот тенисер денеска открил дека е незадоволен од однос на организаторите на грен-слем турнирот, бидејќи не добива шанса да игра на централниот терен.

– Не знам што треба да направам за да играм на централниот терен.

– Го освоив последниот грен-слем, овде сум прв носител, сигурно ќе ми беше полесно да играм против Максим на „Род Лејвер“ арената.

– Кога играш на помал терен, потешко е да му парираш на тенисер со силен волеј сервис. Истото ми се случуваше и на Вимблдон, – изјавил Медведев кој го започна турнирот на централниот терен, но последните два меча ги играше на вториот терен по големина.

Следен противник на Медведев ќе биде Феликс Оже-Алиасим.