Мареска за допинг скандалот на Мудрик: Верувам дека не направил ништо погрешно

Челси игра во одлична форма во овој дел од сезоната и тоа може да се види и по позицијата на табелата во Премиер лигата, но деновиве атмосферата во лондонскиот клуб ја подрасипа веста за позитивниот допинг тест на Микајло Мудрик.

Украинецот не се изнаигра во ерата на менаџерот Енцо Мареска, но сега му се заканува долга суспензија доколку биде потврдено дека користел недозволена супстанца.

Менаџерот вчера зборувал на оваа тема и изразил максимална поддршка за својот фудбалер.

– Сите сме вознемирени, но му даваме максимална поддршка на Мудрик.

– Му веруваме, постојано сум во контакт со него, тоа е и моја обврска бидејќи се работи за наш фудбалер.

– Сите веруваме дека не направил ништо погрешно, – рекол Мареска.