Луис Енрике: Атлетико имаше среќа што го ангажираше Симеоне место мене

ПСЖ утре ќе го пречека Атлетико Мадрид во еден од најинтересните натпревари од новото коло во Лигата на шампионите, а Луис Енрике очекува тежок дуел со шпанскиот ривал.

Шпанскиот тренер има солидни резултати со ПСЖ од почетокот на сезоната, а на денешниот прес зборувал и за својот колега Диего Симеоне, кој долго е на клупата на Атлети.

– Не се сомневам дека утре Атлетико ќе го одигра најдобриот натпревар сезонава, без разлика на досегашните резултати во ЛШ.

– Бодовите нема да бидат пресудни, дури и да загуби една од двете екипи, ќе може да обезбеди пласман во следната фаза со победи на следните натпревари.

– Точно е дека и јас можев да бидам тренер на Атлетико, но кога ми беше понудено такво нешто, веќе имав дадено ветување на друг клуб. Но, Атлетико имаше среќа во тој момент, зошто јас немаше да издржам ни половина престој на Симеоне. Немам таква енергија и порано ќе се повлечев, па фановите на Атлетико имаа среќа, – истакнал Луис Енрике.