Левандовски: Барселона ќе освои трофеи ако го промени менталитетот

Барселона се подготвува за финалето во шпанскиот Суперкуп, а во пресрет на пресметката со Реал Мадрид, искусниот Роберт Левандовски истакнал што е она што тој и соиграчите треба да го поправат како тим во вториот дел од сезоната.

Каталонците последниот период загубија од неколку послаби тимови, со што останаа и без предноста на табелата, а полскиот напаѓач смета дека тие „грешни чекори“ се поврзани со менталитетот.

– Рано е да се зборува за колку трофеи ќе се бориме, но јасно е дека можеме да победиме секого.

– Сепак за да освоиш трофеи потребна е и среќа, ние имаме потенцијал, но тоа е сосема различна работа од менталитетот.

– Досега покажавме многу, но ако сакаш да ја освоиш лигата, треба да победуваш против помалите тимови. Сезонава загубивме такви натпревари, иако тие требаше да ни бидат многу важни, а во новата година се надевам дека нема да ни се повтори истото. Тоа е нешто кон што треба да се стремат и помладите фудбалери во тимот, – рекол Левандовски.