Лејкерс подобри од Голден Стејт во драма со две продолженија, Ембид повторно „избегна“ дуел со Јокиќ

Џоел Ембид го пропушти и четвртото гостување во Денвер по ред, а Никола Јокиќ и неговите соиграчи му донесоа уште една важна победа на Денвер во НБА лигата.

Фановите повторно останаа без можност да го видат соочувањето на двата последни МВП играчи во лигата, бидејќи Ембид добил препорака од лекарскиот тим да го пропушти дуелот поради проблемот со коленото.

Јокиќ со дабл-дабл го предводеше Денвер до победа со 111:105, а Рид бил најефикасен кај Филаделфија со 30 поени.

Многу повозбудливо беше на дуелот меѓу Голден Стејт и Л.А Лејкерс, на кој гостите победија по дури две продолженија. Фановите уживаа во трилер меч во кој најпрвин Кари избори прво, а Томпсон второ продолжение, но последниот збор го имаше ЛеБрон Џејмс, кој избори фаул на 1,2 секунди до крајот и го реши победникот со слободни фрлања.

Кари стигнал до 46 поени, но Џејмс имаше многу позначаен трипл-дабл ефект со 36 поени, 20 скокови и 12 асистенции.

Лука Дончиќ стигна до трипл-дабл против Сакраменто, но со многу лош процент на реализација, а неговиот Далас загуби од „кралевите“ на домашен терен. Изненадување направи Сан Антонио, кој пред своите фанови ја совлада Минесота.

Денвер – Филаделфија 115:105
Бруклин – Хјустон 106:104
Бостон – Л.А Клиперс 96:115
Шарлот – Јута 122:134
Милвоки – Њу Орлеанс 141:117
Голден Стејт – Л.А Лејкерс 144:145
Сан Антонио – Минесота 113:112
Далас – Сакраменто 115:120