ЛеБрон по победата над Србија: Знаевме што нѐ чека

Американската кошаркарска репрезентација стигна до финалето на Олимписките игри во Париз, но вчера имаше многу тешка задача против српските ривали, кои имаа водство во текот на речиси цел натпревар.

ЛеБрон Џејмс и неговите соиграчи на крајот сепак извлекоа триумф кој ги остава во битка за златото, а по натпреварот искусниот кошаркар зборувал за натпреварот и она што се случувало на теренот.

– Ова е голема победа за нас, но знаевме дека соочувањето со Србија ќе ни биде најголем предизвик, најтежок натпревар досега и успеавме да победиме со максимално ангажирање.

– Јас секогаш се обидувам да бидам агресивен, да му помогнам на тимот од секој аспект. Работевме напорно и посветено, видовте што направија Кари и Ембид, тоа беа предуслови за посакуван епилог, – рекол Џејмс.

ЛеБрон реализираше трипл-дабл во полуфиналето, а открил и што им порачал на соиграчите во говорот по победата над Србија.

– Им реков: Добро е да бидеме тестирани, убаво е да имаме ваков тест, а нашата цел е оддалечена еден натпревар. Со нетрпение го очекуваме соочувањето со Франција, – рекол Џејмс.