Крауч: Гвардиола може да зажали поради новиот договор

Пеп Гвардиола го продолжи договорот со Манчестер Сити во сезоната која е далеку од стандардите на кои беа навикнати фановите на премиерлигашот, а Питер Крауч смета дека може да зажали за својата одлука.

Шпанскиот стручњак се обврза на дополнителни две години соработка со актуелниот англиски шампион, додека истовремено се обидува да го задржи Сити барем во Топ 4 зоната во Премиер лигата.

– Мислам дека може да жали за новиот договор.

– Тој креираше нешто неверојатно, династија, логично е дека не сака да замине.

– Но, јас се грижам за неговото здравје, бидејќи сега ќе има многу сериозна задача. Се уште има топ играчи во тимот, но тие треба да ја вратат препознатливата форма. Изминатиот период, Кајл Вокер неколку пати го спасуваше тимот со својата брзина во Лигата на шампионите, мислам дека мора да дојде до одредени поместувања на индивидуалното влијание врз екипата, – рекол Крауч.