Капело критикува важен играч на Милан: Создава само негативна енергија

Последниот натпревар на Милан донесе пораз од Фиорентина, а еден од фудбалерите кои сакаат побргу да го заборават овој натпревар ќе биде Тео Ернандес.

Французинот направи пенал, потоа не реализираше од белата точка за својата екипа, за на крајот да добие црвен картон по крајот на средбата.

Фабио Капело е еден од стручните коментатори кои решија јавно да го критикуваат бекот, тврдејќи дека создава негативна атмосфера во редовите на „росонерите“.

– Тео уште еднаш се однесуваше како што не доликува за играч на Милан.

– Кој и да ја носи капитенската лента, мора да биде лидер, симбол на тимот. Ги паметиме Барези, Малдини… За разлика од нив, Тео носи само негативна енергија за екипата, – смета Капело.

Тео денеска заработи суспензија на два натпревара, што значи дека ќе ги пропушти незгодните соочувања со Удинезе и Болоња.