Јувентус и Јунајтед веќе имаат договор за трансферот на Рабио

Адриен Рабио е се поблиску до Манчестер Јунајтед, бидејќи клубовите лесно стигнале до договор околу трансфер сумата.

Французинот треба да ги договори личните услови, а се очекува неговата мајка и агент, Вероник, уште денеска да ги усогласи деталите за соработката со премиерлигашот.

Јувентус ќе заработи околу 15 милиони фунти, што не е сума за потценување ако се знае дека договорот на Рабио истекува следното лето, а за него не беше платена отштета.

Ерик тен Хаг веќе имал телефонски разговор со Рабио, лично претставувајќи му ја својата визија за неговото место во тимот и очекувано е дека тоа ќе го забрза процесот на преговори.

Рабио не успеа да го потврди својот потенцијал во Јувентус, иако играше подобро и стандардно за француската репрезентација.