Италијанците со жестоки критики за Тоти поради најавената посета на Москва

Франческо Тоти е еден од фудбалските миленици на италијанската јавност, но деновиве изнуди целосно спротивни реакции поради еден свој потег.

Поранешниот капитен на Рома потврдил дека ќе присуствува на фудбалски форум во Москва, за што заработи многу критики и притисок од јавноста да се повлече од најавеното гостување во Русија.

Тоти треба да биде специјален гостин на настан на кој ќе се доделуваат и фудбалски награди, а организаторот наголемо се фали со неговото гостување со плакати и билборди низ руската престолнина.

Италијанските политичари жестоко ја критикуваат Русија поради случувањата во Украина, па Тоти добил многу сугестии од политичката елита да се повлече од најавеното патување, додека дел од фановите ја покажуваат нервозата со навреди на социјалните мрежи.

Francesco #Totti andrà in #Russia il prossimo 8 aprile, ospite d’onore di un evento sportivo. L’immagine dell’ex capitano della #Roma è apparsa su diversi cartelloni di Mosca.#Tg1 Alessandra Barone pic.twitter.com/aLT2rndSUb

— Tg1 (@Tg1Rai) March 15, 2025