Поврзете се со нас

Репрезентација

Италија и Македонија може да го играат мундијалскиот плејоф на неутрален терен

Објавено

на

Италија може да остане без предноста од домашен терен на дуелот со Македонија во плејофот за СП во Катар, а причина е актуелната ситуација со пандемијата.

Добро информираната италијанска „Република“ пренесува дека фактот што дел од македонските репрезентативци се вакцинирани со „спутник“, а дел и воопшто не се вакцинирани, ја става ФИФА во незгодна позиција.

Со ваков вакцинален статус, македонските репрезентативци не би имале пристап до спортските објекти во Италија, односно на стадионот во Палермо каде треба да се игра средбата на 26. март.

ФИФА веќе размислува да го префрли натпреварот на неутрален терен, а полошата варијанта е да им забрани на фудбалерите кои не ги исполнуваат италијанските услови за „влез“ да настапат на натпреварот.

Победникот од дуелот меѓу Македонија и актуелниот европски првак во финалето на плејофот ќе се сретне со подобриот од пресметката меѓу Португалија и Турција.

Реклама
Реклама
Реклама

Популарни