Интер Мајами блиску до потписот на син на поранешна ѕвезда на Реал Мадрид

Амбициите на Интер Мајами се јасни и Дејвид Бекам и неговите соработници постојано работат на нови засилувања за МЛС тимот, со кои екипата ќе се бори за трофеите во повеќе натпреварувања.

Првата ѕвезда Лео Меси од неодамна може да смета и на поддршката на Луис Суарез во нападот, но Интер Мајами сака да доведе уште еден квалитетен јужноамерикански фудбалер.

Се работи за Федерико Редондо, синот на поранешниот играч на Реал Мадрид, Фернандо Редондо, инаку 21-годишен фудбалер кој зад себе има настапи за младинската репрезентација на „гаучосите“.

Редондо е член на Аргентинос Јуниорс и неговиот клуб веќе добил понуда вредна 8 милиони долари, додека Интер Мајами може да си го дозволи овој трансфер во квотата на играчи кои имаат помалку од 22 години.

Редондо јуниор веќе има 59 настапи за Аргентинос, а беше член и на аргентинската У23 репрезентација која игра квалификациски натпревари за ЛОИ во Париз.

☎️ There is already an agreement between Argentinos Juniors and Inter Miami for Federico Redondo. 💣
Via @Aaronvalden77 pic.twitter.com/Uy8c4NZmaX

— Inter Miami News Hub (@Intermiamicfhub) February 10, 2024