Илјадници македонски фанови во голем стил ги пречекаа новите европски шампиони (Видео)

Ракометниот клуб Вардар успеа да ја сплоти цела македонска нација и да им донесе неизмерна радост на сите верни фанови кои со големо внимание ги следат случувањата во светот на ракометот, а најдобар доказ за тоа беше денешниот пречек кој го добија хероите од Келн.

Играчите на Вардар добија кралски пречек од аеродромот „Александар Велики“ па се до плоштадот Македонија во центарот на градот, а целата оваа незаборавна ракометна бајка ќе биде заокружена со пречек во вилата на Водно кај претседателот Хорхе Иванов.

Стојанче Стоилов, Тимур Дибиров, Арпад Штерби, Лука Циндриќ, Иван Чупиќ, Вуко Борозан, Раул Гонзалес и сите останати сигурно уште долго ќе го паметат овој незборавен ден во главниот град на Македонија, бидејќи можеа да ја  почувствуваат топлината на македонските фанови кои во голем стил му се израдуваа на историскиот трофеј во Лигата на шампионите.