Гвардиола сака одложен старт на следната сезона за неговиот Сити

Манчестер Сити ќе биде еден од двајцата претставници на Англија на првото издание на Светското клупско првенство со 32 екипи, а тоа значи дека сезоната за актуелниот англиски првак ќе трае подолго од вообичаеното.

Финалето на клупскиот мундијал се игра на 13. јули во Њу Џерси, а сезоните во Премиер лигата започнуваат на средината на август, што е навистина прекраток период во кој фудбалерите треба да добијат три недели заслужен одмор, а да одработат и дел од подготовките за новата сезона.

Пеп Гвардиола вели дека неговиот клуб ќе бара одложување на стартот на сезоната, но е свесен дека Премиер лигата нема да одговори позитивно.

– Мислам дека клубот побарал да ни го одложи за почетокот за две-три недели, за да можеме да одмориме по Светското клупско првенство, но Премиер лигата одговорила негативно.

– Нема да ни ги одложат првите натпревари, па ние ќе мора да решиме што ќе правиме. Во моментов немам конкретен одговор, но се надевам дека ќе најдеме соодветно решение, – рекол Гвардиола.