Готфридсон бесен по елиминацијата на Шведска: Како да игравме со цигла во патиките

Шведската ракометна репрезентација доживеа голем неуспех откако со поразот од Бразил остана без можност да се пласира во четвртфиналето на Светското ракометно првенство.

Скандинавската селекција редовно е дел од завршните натпревари, но сега остана без можност да се бори во нокаут фазата, а Џим Готфридсон не можел да го скрие бесот од ваквиот епилог.

По натпреварот, Готфридсон со искрена изјава испратил тешки зборови за начинот на кој Шведска се претставила на мундијалот и посебно на овој решавачки натпревар.

– Изгледаше како да трчаме со „крената рачна“, или со цигла во патиките.

– Што е проблемот, излези надвор и уживај, имаш привилегија да ја претставуваш Шведска, но очигледно јавноста не разгали поради резултатите изминатиот период.

– Но, тоа не е изговор да дојдеме овде и да играме како кукавици. Не велам дека некој поединечно е кукавица, но факт е дека се гледаше дека не го дадовме максимумот на терен, – рекол Готфридсон.