Поврзете се со нас

Македонија

Гостивар со подобар финиш од Работнички, МЗТ сигурен против Вардар

Објавено

на

Гостивар одигра одлична завршница на дербито со Работнички во Скопје и успеа да го совлада домаќинот (79:83) за важни бодови во обезбедување што подобар пласман на табелата.

На вториот натпревар игран во Скопје, МЗТ очекувано славеше против Вардар со 82:66.

По израмнетиот прв период меѓу Работнички и Гостивар, домаќините ја преземаа контролата на резултатот и последниот период го започнаа со 63:57.

На 63 секунди до крајот беше 76:76, а следуваше тројка на Костоски кој ја најави подобрата завршница на гостите. На спротивната страна Мулалиќ не успеа да возврати, а Гостивар успеа да ја задржи предноста во пенал завршница во која Костоски ги постигна последните четири поени од слободни фрлања.

Костоски со 21 и Јанески со 20 поени беа предводници на гостиварци, додека во редовите на Работнички, Младеновски реализираше 19 поени.

МЗТ Скопје доминираше против Вардар со 82:66, а најефикасни биле Бојиќ со 21 и Стојановски со 15 поени.

Со денешната победа, Гостивар стигна до 12. победа од 21 натпревар, исто колку што има и Работнички, но со три одиграни натпревари помалку, додека МЗТ  има 11 победи од 17 натпревари.

Реклама
Реклама
Реклама

Популарни