Гибралтар побара реакција од УЕФА поради непристојните скандирања на шпанските репрезентативци

Шпанија го освои неодамна завршеното Европско првенство во Германија, а избраниците на Луис де ла Фуенте очекувано еуфорично ја прославија победата на турнирот, претставувајќи го трофејот и пред фановите во Мадрид.

Но, еуфоричното расположение донесе и проблем за федерацијата и дел од репрезентативците предводни од Родри, кој почнал да скандира „Гибралтар е шпански“ и добил поддршка од своите колеги од националниот тим.

Фудбалската федерација на Гибралтар денеска реагираше кај УЕФА, истакнувајќи го однесувањето на шпанските репрезентативци, потенцирајќи дека „нема простор за однесување од ваква природа во фудбалот“.

Гибралтар и натаму е предмет на нерешен конфликт меѓу Велика Британија и Шпанија, а Шпанците бараат враќање на територијата која е еден вид шпанска колонија на Британците.

Иницијаторот на скандирањето е член на Манчестер Сити, а капитенот Алваро Мората му го потенцирал потенцијалниот проблем на својот колега уште во текот на провокативниот потег.