Гасперини има еден сон за крајот на тренерската кариера

Џан Пјеро Гасперини успешно ја предводи Аталанта, екипата која и сезонава имаше важна улога во Лигата на шампионите, а се бори и за титулата во италијанското првенство.

Составот од Бергамо постојано успева да пронајде квалитетни играчи, од кои подоцна заработува и големи суми, но се чини дека наскоро ќе треба да ја продолжи стратегијата без првиот стручњак на клупата.

Гасперини неодамна најави дека не планира продолжување на договорот, а можна е разделба со Аталанта уште по крајот на оваа сезона.

Италијанските медиуми сметаат дека идеално сценарио за Гасперини е да добие повик од Јувентус, клубот во кој работеше пред две децении и во кој сега посакува да го води првиот тим.

Шпекулациите велат дека Гасперини без размислување би прифатил преселба во Торино и соработка со најтрофејниот италијански клуб, што подразбира дека Јувентус претходно би му се заблагодарил на актуелниот тренер Тиаго Мота.

Игрите и резултатите не одат во прилог на помладиот тренер, а спортскиот директор Кристијано Џунтоли има посебен респект за Гасперини, кого наводно сакал да го ангажира претходно и во Наполи.