„Франс Фудбал“ измисли нова награда како утеха за Левандовски

Роберт Левандовски повторно остана без признанието „Златна топка“, овој пат завршувајќи на второто место во гласањето и во ситуација да мора да му честита на Лионел Меси за неговиот нов рекорд.

Напаѓачот на Баерн Минхен беше главен фаворит за наградата минатата година, но „Франс Фудбал“ од нејасни причини реши да не додели признание иако никому не му е јасно како коронавирусот беше пречка да се прогласи најдобар светски фудбалер.

Годинава, признание има, но Левандовски не се најде на врвот, а прашање е дали повторно ќе биде толку блиску до наградата.

Полскиот репрезентативец сепак нема да замине дома со празни раце, бидејќи францускиот медиум го прогласи за најдобар напаѓач.

Преиронично или не, светските медиуми коментираат дека „Франс Фудбал“ ја додал оваа категорија само како утеха за Левандовски и сличните нему во иднина.

На годинешното издание првпат е доделена и наградата за клуб на годината, а прв освојувач е европскиот првак Челси.