Евертон го отпушти менаџерот неколку часа пред настапот во ФА купот

Шон Дајч доби отказ од Евертон, откако новите сопственици денеска донеле одлука за разделба со искусниот тренер.

Во ситуација кога по големите финансиски проблеми, Евертон стана сопственост на американската фамилија Фридкин, а истовремено се наоѓа во долниот дел на премиерлигашката табела, Дајч мора да се пакува и да го отстапи своето место на засега непознатиот наследник.

Помалку бизарно е што менаџерот е отпуштен на неколку часа пред куп натпреварот со Питерброу, а клубот објави дека на овој натпревар екипата ќе биде водена од тренерот на У-18 тимот, Лејтон Бејнс, односно капитенот Симус Колмен.

Дајч го водеше од Евертон од 2023 година и неговиот договор истекуваше во јуни, а заминува заедно со сите досегашни асистенти во стручниот штаб.

„Карамелите“ од Ливерпул се само со еден бод на опасната зона и сезонава остварија само три победи.