Душебаев со мајсторија ги дигна фановите на нозе, Кјелце повторно ја победи Барселона (Видео)

Полскиот првак Виве Кјелце вторпат во една недела го победи актуелниот европски првак Барселона (29:27) во групната фаза на ракометната Лига на шампиони.

Гостите од Шпанија уште во првиот дел дојдоа до предност од четири голови, а на пауза заминаа со резултат 14:16. Во вториот дел Барса повторно дојде до плус четири, а победата на Кјелце има поголемо значење затоа што европскиот шампион имаше водство 23:27.

Во последните минути избраниците на Талант Душебаев направија неверојатна серија од 6:0 и на тој начин се изборија за голем пресврт и победа. Со оваа победа Кјелце има пет бодови повеќе од Барса на врвот на табелата во групата.

Кај гостите Арино со 5 голови беше најдобар реализатор, додека Алекс Душебаев со 8 погодоци ги предводеше стрелците во тимот на Кјелце. Голот на Душебаев за 28:27 предизвика голема еуфорија во салата и ја најави победата на домашниот тим.

The clutch master, @AlexDujshebaev🔥#handball #ehfcl pic.twitter.com/E9D97hTkBy

— Rasmus Boysen (@RasmusBoysen92) November 24, 2021