Дурент мора на принудна пауза, Бруклин најави кога треба да се врати на терените

Кевин Дурент оди на принудна пауза поради повреда, но во Бруклин се убедени дека таа пауза нема да трае многу долго.

Првата ѕвезда на Бруклин заработи повреда на коленото на дуелот со Орландо, откако соиграчот Брус Браун случајно падна врз неговата нога, а Нетс најавија рехабилитација долга меѓу 4 и 6 недели.

Тоа значи дека Дурент би можел да се врати на терените по Ол-стар викендот, а со оглед на фактот дека Нетс следните 11 од 14 натпревари ги играат на гостувањата, се очекува поголем придонес и од Кајри Ирвинг.

Според статистиката од минатата сезона, Нетс победил на 16 од 19 натпревари кога на теренот биле Харден и Ирвинг, а Дурент паузирал, – пренесува „ЕСПН“.

Бруклин во моментов е меѓу најдобрите на Истокот, а Дурент има одличен просек од 29,3 поени, 7,4 скокови и 5,8 асистенции.