Динамо сигурен против Валур, Адеми и Ристовски продолжуваат во квалификациите за ЛШ

Македонските репрезентативци Аријан Адеми и Стефан Ристовски го продолжуваат настапот во дресот на Динамо во квалификациите за Лигата на шампионите, бидејќи и вторпат го победија исландскиот првак Валур (0:2).

Откако на првиот натпревар, Динамо прокоцка предност од 3:0 и имаше нереализиран пенал, за конечни 3:2, хрватскиот претставник го потврди квалитетот на реваншот и стигна до рутинска победа.

Хрватските репрезентативци Иванушец и Оршиќ ги постигнаа головите за „модрите“, со што Динамо заслужено оди во следната фаза.

Адеми одигра цел натпревар за Динамо, но остана на два гола против овој противник од средбата во Загреб, додека Ристовски не влезе во игра.

Следен противник на Динамо ќе биде кипарска Омонија.