Дел Пјеро за кризата на Јувентус: Екипата плаќа сметка за повеќе работи

Јувентус има неочекувано неуспешен старт во Серија А, а индивидуалните грешки придонесоа најмногу за „бјанконерите“ да имаат само еден бод по три одиграни натпревари.

Поранешниот капитен Алесандро Дел Пјеро вели дека поискусните фудбалери мора да ја преземат работата во свои раце, но и дека ефектот на Дибала и Киеза може да биде пресуден.

– Не можеме да кажеме дека Јувентус нема квалитетни фудбалери. Прашањето е дали Киеза е истиот од Европското првенство или дали Дибала може да игра на нивото како од пред две сезони? Дибала мора да се ослободи од притисокот и повторно да биде оној стариот. Колку послободно игра, толку подобар ефект ќе има за екипата.

– Од друга страна, актуелниот старт ме изненади, но не сум изненаден од поразот од Наполи. Екипата плаќа сметка за повеќе работи, не само за заминувањето на Роналдо.

– Ми се допаѓа Алегри бидејќи има конкретни идеи, но тој не може да прави чуда. Тој е првиот кој знае дека промената на тренерот не носи успеси само по себе, има уште многу работа за сите. Заостанувањето од осум бодови зад лидерите не е толку голем проблем колку што се перформансите кои ги гледаме, – изјавил Дел Пјеро.