Де Роси ја објаснил ситуацијата со „замрзнатиот“ Залевски

Италијанските медиуми го преселија Никола Залевски во редовите на Галатасарај, но неуспешните преговори со турскиот клуб спречија вакво сценарио и го ставија полскиот репрезентативец во комплицирана ситуација.

Рома го „замрзнала“ фудбалерот со што го потврди незадоволството од епилогот и фактот што остана без планираната трансфер сума во овој преоден рок, а тренерот Даниеле Де Роси барем засега нема да смета на овој фудбалер.

– Не сум убеден дека е целосно „замрзнат“ и исклучен од првиот тим, се работи само за проблем со неговиот договор.

– Клубот ја донел одлуката и истата ми беше соопштена, ако најдат заеднички јазик тогаш тој ќе може да се врати во тимот, – рекол Де Роси.

Медиумите пренесоа дека Рома и Галатасарај имале постигнато договор за трансфер, но фудбалерот во последен момент ја одбил опцијата, со што „волчицата“ останала без 11 милиони евра, кои целосно ќе се сметаа за профит бидејќи Залевски е продукт на младинската академија.