Данска се пласираше на СП со уникатен ефект, Шмајхел доби пофалби од својот најголем фан (Фото)

Данска вчера ја победи Австрија со 1:0 и на тој начин стана втора европска репрезентација со потврден пласман на Светското првенство во Катар.

Еден ден откако Германците ја обезбедија својата виза во Скопје, Данците на домашен терен ги освоија бодовите во дуелот со Австрија и стигнаа до недостижна предност од седум бодови во однос на второпласираната Шкотска.

По осум кола, Данците освоија максимални 24 бодови, со што се единствената репрезентација со ваков ефект во мундијалските квалификации.

Она што дополнително импресионира е што Данците постигнале 27 голови, а не примиле ниту еден на дури осум средби, што е уште еден комплимент за одбраната, но и за голманот Каспер Шмајхел.

Тој по вчерашниот натпревар го одбележа големиот успех со својот татко, легендарниот голман Петер Шмајхел.

 

View this post on Instagram

 

A post shared by Peter Schmeichel (@pschmeichel1)