Даглас Луиз испрати „сигнал“ дека ги завршил сите процедури за потпис со Јувентус

Даглас Луиз е дел од бразилската репрезентација која учествува на Копа Америка, а овие обврски ги искомбинира со реализација на најавениот трансфер во Јувентус.

Луиз денеска ги минал лекарските прегледи во САД и тоа во присуство на претставник на лекарскиот тим на „бјанконерите“, а се очекува трансферот да биде објавен претстојниов викенд.

Она што навивачите на Јуве го протолкуваа како намерно испратен сигнал за комплетирање на процедурата е последната активност на Бразилецот на Инстаграм.

Луиз објави неколку фотографии од тренингот на својата селекција, но во црно-бела техника, што на социјалните мрежи е протолкувано како поздрав до фановите на италијанскиот тим.

 

View this post on Instagram

 

A post shared by Douglas Luiz (@dgoficial)

Луиз заминува во Јуве од Астон Вила, а премиерлигашот за возврат ќе ги добие Илинџ Џуниор, Енцо Баренечеа, како и околу 20 милиони евра.