Чистката во Јувентус ќе опфати и фудбалер кој пристигна во јануари

Јувентус веќе навести дека ќе се откаже од голем број актуелни фудбалери, а на списокот потенцијални продажби е цела екипа, односно најмалку единаесет играчи.

Во споредба со ситуацијата од пред десетина дена, на истиот список сега неочекувано се најде и Алберто Кошта, фудбалерот кој пристигна во Торино во јануари и не ни доби вистинска шанса да ги покаже своите квалитети.

21-годишниот десен бек беше доведен од поранешниот спортски директор Кристијано Џунтоли, а тренерот Игор Тудор дал зелено светло за трансфер по интензивниот интерес од Спортинг Лисабон.

Португалскиот клуб сака да го доведе Кошта во своите редови уште ова лето, па веќе се започнати преговори со Јувентус, додека самиот фудбалер се согласил на вакво сценарио.

Јувентус веројатно ќе успее да оствари и одреден профит од транферот, бидејќи за Кошта бара меѓу 15 и 20 милиони евра, а го купи од Виторија Гимараеш за нецели 14 милиони евра.