Челси му дозволил на еден фудбалер да се врати во Англија за да потпише за ривалски клуб

Фудбалерите на Челси се подготвуваат за финалето на Светското клупско првенство, а менаџерот и раководството дале зелено светло еден од нив да се врати во Англија за да го реализира најавениот трансфер.

Се работи за Нони Мадуеке, крилниот фудбалер за кого Челси реши да го одобри трансферот во Арсенал, а кој набрзо ќе биде промовиран како нов член на „топчиите“.

Во пресрет на финалето со ПСЖ, Мадуеке тргнал на пат кон својата земја, каде треба да ги помине лекарските прегледи, по што ќе стави потпис на договорот со новиот лондонски клуб.

По сезона и пол во дресот на Челси, Мадуеке заминува со 13 постигнати голови на 67 натпревари, а на досегашниот клуб ќе му донесе повеќе од солидни 52 милиони фунти.

На клупскиот мундијал, англискиот репрезентативец настапи на пет од шест натпревари и на два од нив беше стартер за Челси.