Поврзете се со нас

Свет

Чеферин: Фудбалот ќе се промени, политичарите ќе одлучат…

Објавено

на

Првиот човек на европската фудбалска федерација (УЕФА), Александер Чеферин верува дека фудбалот за кратко време ќе мора да се промени, но и дека политичарите, властите во европските земји ќе го имаат последниот збор за тоа дали ќе продолжат фудбалските првенства кои веќе одреден период се во „аут“ поради пандемијата со КОВИД-19.

-Човештвото ќе го победи коронавирусот. Видовме колку е чувствителен и ранлив нашиот свет и како таквата ситуација успеа целосно да го дестабилизира. Фудбалот е направен од позитивна енергија и сè до враќањето на фудбалот, луѓето ќе немаат перцепција дека ситуацијата е нормална.

– Фудбалот ќе се промени, но само за краток временски период, веќе преживеа војни и епидемии во минатото. Очекувано наскоро да го имаме стариот добар фудбал. Ние би сакале да го видиме фудбалот што е можно поскоро, но пред сè зависи од одлуките на државните власти.

– Со исполнување на сите медицински барања и зад затворени врати, натпреварите би можеле да се вратат релативно наскоро. Ама спортот нема да биде тој што ќе реши, туку политиката, -истакна Чеферин.

Реклама
Реклама
Реклама

Популарни