Поврзете се со нас

Европски првенства

Бриаторе распали по „азурите“: Спалети е арогантен, играчите загубени, сега знам зошто Манчини „побегна“

Објавено

на

foto: x.com/Azzurri_En

Флавио Бриаторе неодамна се врати во Формула 1 откако доби ангажман од францускиот клуб Алпин, но како и секогаш, останува голем фудбалски фан кој внимателно ги следи случувањата на италијанската фудбалска сцена.

Познатиот менаџер и бизнисмен имал што да каже за медиумите откако Италија доживеа елиминација во осмифиналето на ЕП и репрезентативците се вратија дома со многу лош впечаток во однос на игрите и залагањето кое го понудија на турнирот.

Бриаторе имал што да каже на темата и тоа го направил на директен начин без „влакна на јазикот“.

– Елиминацијата на ова ЕП беше шок, најголема катастрофа во историјата на италијанската репрезентација. На теренот гледавме конфузија, фудбалерите како да играа натпревар по пауза од еден месец, играа со спуштени глави, не знаеја која е нивната позиција. Не разбирам ни зошто играше Фаџоли, можеби и Спалети беше претерано арогантен.

– Селекторот не успеа да создаде флуидна група, дури и играчи како Киеза и Барела немаа самодоверба и карактер. Кјелини не беше Пеле, но никогаш не се откажуваше и ги бодреше останатите, можете да загубите но не ваков начин. Сега изгледаше дека на репрезентативците им олесна по последниот судиски свиреж против Швајцарија.

– Според мене Алегри би бил вистински избор, би го немал секојдневниот притисок и има големо искуство. Се слушнавме уште пред да заврши дуелот со Швајцарија, тој ми посочи дека мора да играме како што сме играле низ историјата, а не да имитираме други репрезентации. Ние не сме Шпанија, на претходното ЕП не бевме најдобри па победивме, но имаше кохезија во тимот.

– Ако Донарума не правеше чуда, ќе примевме по пет гола од сите противници, во моментов немаме врвни играчи, Франција има многу интернационалци, а ако го тргнеме Донарума на страна, никој не ги сака нашите други фудбалери. Откако го освоивме ЕП со Манчини, се случуваат само глупости, а тој откако виде со што располага реши да се повлече и да избегне да изгледа како будала. Сега го разбирам и не можам да го обвинам, – рекол Бриаторе.

Реклама
Реклама
Реклама

Популарни